SUGʻURTA BOZORI INFRATUZILMASINI RIVOJLANTIRISH YOʻLLARI

Abstract

Koʻpgina sohalarda boʻlgani kabi, sugʻurta sohasida ham infratuzilma muhim rol oʻynaydi. Infratuzilmaning rivojlanishi sugʻurtalanuvchilar uchun qoʻshimcha shart-sharoitlar yaratib beradi va bu oʻz oʻrnida sugʻurtalanuvchilar sonining koʻpayishiga olib keladi. Ushbu maqolada shu masalada fikr yuritilgan boʻlib, muallifning fikriga koʻra, Oʻzbekiston sugʻurta bozorida infratuzilma subyektlari faoliyati talab darajasida emas va bu sugʻurta bozorining  rivojlanishiga imkoniyat yaratib bermayapti. Shu maqsadda sugʻurta agentlari faoliyatini takomillashtirish va assistans faoliyatini rivojlantirish boʻyicha taklif va tavsiyalar ishlab chiqilgan. Shu bilan birga, milliy qayta sugʻurta bozorini rivojlantirish imkonini beruvchi maxsus oʻzaro qayta sugʻurta jamiyatini tashkil etish masalasida fikrlar berilgan.