Insurance market of Uzbekistan

SANOAT KORXONALARIDA MAHSULOT SIFATINI BOSHQARISH SAMARADORLIGINI BAHOLASHNING USLUBIY ASOSLARINI TAKOMILLASHTIRISH

Baytanov O‘ralboy Miraqul o‘g‘li — Tue, 07 Jul 2026 00:00:00 +0000

Maqolada sanoat korxonalarida mahsulot sifatini boshqarish samaradorligini baholashning uslubiy yondashuvlari tahlil qilingan. O‘tkazilgan tahlillar natijasida Jizzax viloyati yetakchi sanoat korxonalari kesimida mahsulot sifatini boshqarish samaradorligi boʻyicha kompleks integral baholash uslubiyoti ishlab chiqildi hamda ishlab chiqilgan baholash uslubiyotini amaliyotda qoʻllash bosqichlari keltirildi. Umuman olganda, kompleks baholash natijalari Jizzax viloyati sanoat korxonalarida mahsulot sifatini boshqarish samaradorligi turlicha darajada ekanligini koʻrsatdi. Integral indeksning yuqori boʻlishi asosan xalqaro standartlarning joriy etilganligi, texnologik modernizatsiya darajasi, eksport salohiyati, ishlab chiqarish jarayonlarini raqamlashtirish va innovatsion faollik bilan bevosita bogʻliqligi aniqlandi.

QURILISH MATERIALLARI SANOATI KORXONALARINING IQTISODIY SALOHIYATIDAN SAMARALI FOYDALANISHNI TAKOMILLASHTIRISH YO‘NALISHLARI

Bakhodir Khoshbakov — Tue, 07 Jul 2026 00:00:00 +0000

Mazkur maqolada qurilish materiallari sanoati korxonalarining iqtisodiy salohiyatidan samarali foydalanishning nazariy va amaliy jihatlari tadqiq etilgan. Iqtisodiy salohiyatning mazmun-mohiyati, tarkibiy elementlari hamda uni baholashga oid ilmiy yondashuvlar tizimli ravishda tahlil qilingan. Shuningdek, Surxondaryo viloyatida faoliyat yuritayotgan qurilish materiallari sanoati korxonalarining iqtisodiy salohiyatidan foydalanish holati texnologik, moliyaviy, mehnat, boshqaruv va innovatsion salohiyat ko‘rsatkichlari asosida baholangan.

QOʻSHILGAN QIYMAT SOLIGʻNING XORIJ TAJRIBASI VA UNI OʻZBEKISTONDA QOʻLLASH ISTIQBOLLARI

Bobomurodov Abdurasul — Tue, 07 Jul 2026 00:00:00 +0000

Huqumatlar yildan-yilga elektronlashib bormoqda. Deyarli, barcha davlat idoralari jumladan soliq tizimi oʻzlarining rasmiy veb-sayt va avtomatlashtirilgan tizimlariga ega. Raqamlashtirish soliq organlariga elektron hisobotlar toʻldirishni soliq toʻlovchilarga taklif etish, elektron xizmatlar koʻrsatish va soliq toʻlovchilarning bojxona va xoʻjalik faoliyati yuzasidan nazoratni olib borish imkoniyatini taqdim etadi.

KICHIK TADBIRKORLIK SUBYEKTLARINI YASHIL IQTISODIYOT TAMOYILLARI ASOSIDA BARQAROR RIVOJLANTIRISH

Ruziyev Oybek Abdimuminovich, Karimov Erkin Yusubovich — Tue, 07 Jul 2026 00:00:00 +0000

Mazkur maqolada kichik tadbirkorlik subyektlarini yashil iqtisodiyot tamoyillari asosida barqaror rivojlantirishning nazariy va amaliy jihatlari tadqiq etilgan. Yashil iqtisodiyotning mazmun-mohiyati, uning kichik biznes faoliyatidagi o‘rni hamda ekologik barqarorlikni ta’minlashdagi ahamiyati tahlil qilingan. Shuningdek, energiya samaradorligi, qayta tiklanuvchi energiya manbalaridan foydalanish, chiqindilarni boshqarish va ekologik innovatsiyalarni joriy etish orqali kichik tadbirkorlik subyektlarining raqobatbardoshligini oshirish imkoniyatlari o‘rganilgan. Tadqiqot natijasida yashil iqtisodiyot tamoyillarini kichik biznes faoliyatiga integratsiya qilish bo‘yicha amaliy tavsiyalar ishlab chiqilgan.

KICHIK BIZNESNI MOLIYAVIY RESURSLARI VA SAMARADORLIGINI OSHIRIGA TAʼSIR EʼTUVCHI OMILLARI

Ketmanov Avazbek Malikovich — Tue, 07 Jul 2026 00:00:00 +0000

Maqolada kichik biznesni moliyaviy resurslari mahiyati va ahamiyati oʻrganilgan. Shuningdek, kichik biznesni moliyaviy resurslarini samaradorligini oshiriga taʼsir eʼtuvchi omillari tavsifi va ularning mohiyati yoritilgan. Tadqiqot natijasi boʻyicha kichik biznes moliyaviy samarodorligiga bevosita taʼsir koʻrsatadigan omillar va biznesni tartibga solishda ushbu omillarni taʼsiri boʻyicha ilmiy xulosalar olingan.

ELЕKTR ENЕRGIYASINI SOTISHDA YO‘QOTISHLARNI QOPLASH BO‘YICHA HISOB-KITOBLAR

Nurniyozov Feruz Abdurashid o‘g‘li — Tue, 07 Jul 2026 00:00:00 +0000

Mazkur ilmiy maqolada elektr energiyasini sotishda yuzaga keladigan yo‘qotishlarni buxgalteriya hisobida aks ettirish amaliyoti tadqiq etilgan. Me’yordan ortiqcha aniqlangan va aybdor shaxslar hisobiga qoplanishi lozim bo‘lgan yo‘qotishlarning amaldagi hisob tartibida boshqa xarajatlar bilan birga umumlashtirilib ko‘rsatilishi muammo sifatida asoslangan. Tadqiqot natijasida Hisoblar rejasidagi 4890 "Boshqa debitorlar qarzlari" schotiga 4891 "Qoplanadigan yo‘qotishlar bo‘yicha hisob-kitoblar" subschotini kiritish taklif etilgan, uning yordamida qoplanadigan yo‘qotishlarni xarajatlardan ajratgan holda debitor qarz sifatida kuzatish mumkinligi asoslangan.

RAQAMLI TEXNOLOGIYALAR ORQALI YASHIRIN IQTISODIYOTNI QISQARTIRISH VA SOLIQ INTIZOMINI MUSTAHKAMLASH

Sanakulova Iroda Abrorovna — Tue, 07 Jul 2026 00:00:00 +0000

Ushbu maqolada yashirin iqtisodiyotning makroiqtisodiy barqarorlikka salbiy ta'siri tahlil qilinadi va uni qisqartirishda raqamli texnologiyalarning (elektron hisob-fakturalar, virtual kassalar, katta ma'lumotlar va sun'iy intellekt) hal qiluvchi roli ochib beriladi. O'zbekiston va jahonning yetakchi davlatlari (Janubiy Koreya, Estoniya, Hindiston va boshqalar) tajribasi asosida soliq ma'muriyatchiligini raqamlashtirishning iqtisodiy samaradorligi statistik ma'lumotlar bilan isbotlangan. Maqolada soliq bo'shlig'ini (Tax Gap) qisqartirish mexanizmlari, yuzaga kelayotgan kiberxavfsizlik va raqamli savodsizlik kabi to'siqlar, hamda kelajakdagi strategik yechimlar (RegTech, ochiq API, xalqaro CRS integratsiyasi) atroflicha yoritilgan.

DAVLAT XARIDLARINING IQTISODIY MAZMUNI VA MAMLAKAT MOLIYA TIZIMIDAGI OʻRNI: NAZARIY YONDASHUVLAR

Xamdamov Sardor Farmon oʻgʻli — Tue, 07 Jul 2026 00:00:00 +0000

Maqolada davlat xaridlarining iqtisodiy mazmuni jamoat moliyasi, transaksion xarajatlar, ragʻbatlantirish va auksionlar nazariyalari nuqtayi nazaridan tizimli tahlil qilingan. Davlat xaridlariga oid nazariy yondashuvlar qiyosiy jihatdan umumlashtirilib, ularning moliya tizimidagi oʻrni byudjet xarajatlarini ijro etish mexanizmi sifatida asoslangan. Davlat xaridlari funksiyalari (allokatsion, ragʻbatlantiruvchi, tartibga soluvchi, ijtimoiy, innovatsion) tizimlashtirilgan hamda tushunchaga moliyaviy munosabatlar nuqtayi nazaridan mualliflik taʼrifi taklif etilgan.

MAVSUMIY ISHLAB CHIQARISH SHAROITIDA KORXONA MOLIYAVIY BARQARORLIGINI TAʼMINLASHNING NAZARIY ASOSLARI

Kilichev Alisher Akramovich — Tue, 07 Jul 2026 00:00:00 +0000

Maqolada mavsumiy mahsulotlar ishlab chiqaruvchi korxonalarda moliyaviy barqarorlikni taʼminlashning nazariy asoslari tadqiq etilgan. Moliyaviy barqarorlik tushunchasiga oid klassik va zamonaviy ilmiy yondashuvlar tanqidiy tahlil qilinib, mavsumiylik omilining korxona moliyaviy holatiga taʼsir kanallari tizimlashtirilgan. Anʼanaviy moliyaviy tahlil koʻrsatkichlarining mavsumiy ishlab chiqarish sharoitidagi cheklovlari asoslangan hamda moliyaviy barqarorlikni baholashda “mavsumiy moliyaviy sikl” tushunchasini qoʻllash taklif etilgan. Tadqiqot natijalari mavsumiy tarmoqlar korxonalarida moliyaviy menejmentni tashkil etish va barqarorlikni baholash metodikalarini takomillashtirishda foydalanilishi mumkin.

RAQAMLI TO‘LOV TIZIMLARINING RIVOJLANISHI VA ULARNING AFZALLIKLARI

Jumaniyazov Rashid Azamatovich — Tue, 07 Jul 2026 00:00:00 +0000

Mazkur maqolada raqamli to‘lov tizimlarining rivojlanish tendensiyalari, ularning asosiy turlari va afzalliklari nazariy-tavsifiy tahlil asosida yoritilgan. Xorijiy va mahalliy tadqiqotchilarning ishlariga tayangan holda raqamli to‘lov tizimlarining an’anaviy to‘lov usullaridan farqlari, ularning iqtisodiy va ijtimoiy afzalliklari, shuningdek amaliyotda uchraydigan asosiy muammo va cheklovlar tahlil qilingan.

XUSUSIY TIBBIYOT TASHKILOTLARIDA XARAJATLAR HISOBINI TAKOMILLASHTIRISH

Primkulova Zilola Abrorovna — Tue, 07 Jul 2026 00:00:00 +0000

Mazkur maqolada xususiy tibbiyot tashkilotlarida xarajatlar buxgalteriya hisobini takomillashtirishning nazariy va amaliy jihatlari tadqiq etilgan. Tibbiy xizmatlar ko‘rsatish jarayonida yuzaga keladigan xarajatlarni to‘g‘ri tasniflash, hisobga olish va nazorat qilish mexanizmlari tahlil qilingan. Shuningdek, xalqaro moliyaviy hisobot standartlari hamda raqamli texnologiyalarni joriy etish asosida xarajatlar hisobini takomillashtirish bo‘yicha ilmiy-amaliy taklif va tavsiyalar ishlab chiqilgan.

TIBBIY XIZMATLAR BUXGALTЕRIYA HISOBINI TAKOMILLASHTIRISH

Shamsikulova Moxina bonu Furkatovna — Tue, 07 Jul 2026 00:00:00 +0000

Mazkur maqolada tibbiy xizmatlar buxgalteriya hisobini takomillashtirishning nazariy va amaliy jihatlari tadqiq etilgan. Tibbiy xizmatlar ko‘rsatish jarayonida xarajatlar va daromadlarni to‘g‘ri e’tirof etish, ularni hisobga olish hamda moliyaviy hisobotlarda ishonchli aks ettirish masalalari tahlil qilingan. Shuningdek, sog‘liqni saqlash tizimida raqamli texnologiyalarni joriy etish, xalqaro moliyaviy hisobot standartlari talablari asosida buxgalteriya hisobini takomillashtirish hamda boshqaruv qarorlarini qabul qilish uchun zarur bo‘lgan axborot sifatini oshirish bo‘yicha taklif va tavsiyalar ishlab chiqilgan.

TADBIRKORLIK SUB’EKTLARINING IQTISODIY XAVFSIZLIGINI TA’MINLASH MEXANIZMI

Dadaev Kuvanish Мashrapovich — Tue, 07 Jul 2026 00:00:00 +0000

Мaqolada klasterli yondashuv asosida maqsad va strategiya vazifalariga mos keluvchi moslashuvchan infratuzilmani shakllantirishga qaratilgan bo‘lib, innovatsion yondashuvlar asosida tadbirkorlik faolligini oshirish orqali ularning raqobatbardoshligi va iqtisodiy xavfsizligi ta’minlanadi.