OLIY TA'LIMNI ZAMONAVIY MARKETING STRATEGIYALARI ASOSIDA RIVOJLANTIRISH

Annotatsiya

Maqolada oliy ta’lim muassasalarining raqobatbardoshligini oshirishda zamonaviy marketing strategiyalarining o‘rni, xususan, raqamli marketing, universitet brendingi, ijtimoiy media marketingi, ta’lim xizmatlarini segmentatsiyalash va xalqaro ta’lim bozorida universitet imijini shakllantirish masalalari tahlil qilinadi. Tadqiqotda UNESCO, OECD, DAAD hamda Avstraliya, Janubiy Koreya, Malayziya, Germaniya, Buyuk Britaniya, Turkiya va O‘zbekistonning rasmiy statistik ma’lumotlari asosida oliy ta’limning xalqaro raqobatbardoshligi va talabalarni jalb qilish tajribasi qiyosiy o‘rganilgan. Shuningdek, xorijiy talabalar oqimini shakllantiruvchi asosiy omillar, universitetning xalqaro reytingdagi mavqei, ta’lim sifati, akademik mobillik, raqamli kommunikatsiya kanallari va universitet brendining ta’siri baholangan. Tadqiqot natijalari O‘zbekiston oliy ta’lim muassasalarida marketing faoliyatini takomillashtirish, xalqaro bozorlarga yo‘naltirilgan raqamli marketing strategiyalarini ishlab chiqish, universitetlarning xalqaro brendini kuchaytirish hamda xorijiy talabalar ulushini oshirish bo‘yicha amaliy tavsiyalar ishlab chiqish imkonini beradi.