RAQAMLI TRANSFORMATSIYA SHAROITIDA MINTAQADA XIZMATLAR SEKTORINI MODERNIZATSIYA QILISHNING INVESTITSION VA INNOVATSION MEXANIZMLARI HAMDA ULARNING IQTISODIY RIVOJLANISHGA TA’SIRI

Annotatsiya

Ushbu maqolada raqamli transformatsiya sharoitida mintaqada xizmat ko‘rsatish sohasini modernizatsiya qilishning investitsion va innovatsion mexanizmlari hamda ularning hududiy iqtisodiy rivojlanishga ta’siri tahlil qilinadi. Maqolada xizmatlar sektorining YaIMdagi ulushi, xizmatlar hajmining o‘sish sur’atlari, raqamli texnologiyalar va moliyaviy texnologiyalarning rivojlanish tendensiyalari so‘nggi yillardagi statistik ma’lumotlar asosida o‘rganilgan. Shuningdek, xizmatlar sohasiga yo‘naltirilayotgan investitsiyalar, innovatsion loyihalarni moliyalashtirish, raqamli platformalar, elektron to‘lov tizimlari va FinTech yechimlarining xizmatlar samaradorligiga ta’siri baholangan. Tadqiqot davomida statistik tahlil, taqqoslama tahlil, dinamik qatorlar va iqtisodiy ko‘rsatkichlar o‘rtasidagi bog‘liqlikni aniqlash usullaridan foydalanilgan. Natijalar raqamli texnologiyalarni xizmatlar sektoriga keng joriy etish, investitsion faollikni oshirish va innovatsion infratuzilmani rivojlantirish hududlarda xizmatlar sifatini yaxshilash, mehnat unumdorligini oshirish, yangi ish o‘rinlarini yaratish hamda iqtisodiy o‘sishni rag‘batlantirishga xizmat qilishini ko‘rsatadi. Maqolada mintaqada xizmatlar sektorini modernizatsiya qilish uchun investitsiyalarni raqamli infratuzilmaga yo‘naltirish, xususiy sektor va davlat o‘rtasidagi hamkorlikni kuchaytirish hamda innovatsion moliyalashtirish mexanizmlarini takomillashtirish bo‘yicha ilmiy-amaliy takliflar ishlab chiqilgan.